ارگ ریاست جمهوری اعلام کرده است که اشرف غنی برای بررسی اوضاع امنیتی ولایت نیمروز به این ولایت سفر کرده است.

دواخان مینه پال معاون سخنگوی ریاست جمهوری می گوید که  رئیس جمهور ضمن بررسی وضعیت این ولایت از پیشرفت کار ساخت بند کمال خان نیز نظارت می‌کند.

وی افزود: “رئیس جمهور ضمن سفرهای ولایتی خود امروز یک‌شنبه (۵ اسد) به نیمروز رفت. در بارۀ وضعیت ولایت نیمروز ارزیابی همه‌جانبه انجام می‌دهد. در کنار این، پیشرفت‌های اخیر ساخت بند کمال خان را از نزدیک می‌بیند.”

قرار است رئیس جمهور با اعضای شورای ولایتی نیمروز، روحانیون، اعضای جامعه مدنی و بزرگان قومی این ولایت ملاقات کند.

خبرگزاری بخدی

اشتراک گذاری این مطلب:

• فیسبوک
• تویتتر
• ایمیل